主页 > S哇生活 >【盘房来料】施政报告咪埋读 未来有效施政成疑 >

【盘房来料】施政报告咪埋读 未来有效施政成疑

【盘房来料】施政报告咪埋读 未来有效施政成疑放大图片

隔晚美股有业绩公布,结果唔少美企成绩表都好过预期,带动三股三大指数上升。即使美国众议院已一致通过《香港民主与人权法案》,但有关法案仍有待参议院通过,并再作联合草议提交予总统签署,所以唔会对香港呢边即时有乜嘢负面影响,港股早段都有跟住美股向上。

恒指今日高开49点,曾倒跌71点,见过半日低位26432点,其后回升至26698点半日高位,升194点。可惜林郑特首本定于今日立法会宣读施政报告期间,民主派议员抗议,立法会侷住休会,林郑无奈避走,改于中午以录播形式发表报告,港股即急急脚回落。 中午恒指报收26505点,升2点;国指则跌3点,中午报收10496点。

其实林郑份施实报告内容,预咗内容都係侧重改善民生,尤其係住屋问题,不过目前社会面对最大问题,似乎係政府管治失效,市民对政府失去信心。而政府纵容警队于执法时偏颇及滥权滥捕,衍生大量暴力问题,先係目前香港人最关心,而有最希望政府优先处理问题。就算林郑呢份佢自己形容为愿景香港可与过天清嘅施政报告,写得再动人,内容条款再照顾香港人,都无办法满足到香港市民。单係问责官员喺咁大镬粥搞咗出嚟之后,无一个人需要问责下台,呢一样嘢已难令香港人心悦诚服。连宣读施政报告都要咪埋喺电视萤光幕背后,未来政府能否继续顺利施政确係疑问。

重磅蓝筹股即管睇睇喺施政报告读完后会有乜反应,主要係睇睇政府会否以加快处理房屋问题为藉口而大斗地主,强制收地,要睇睇陀地地主佬有乜反应。不过早两日阿Man提过喺人民币回升下,内房股不妨望多两眼,今日呢个板块果然跑出。大部份内房股都录得升幅,而升幅更普遍有2%以上。

噚日提到体品股高处未算高,虽然估值开始唔平,但资金继续追捧,话之你估值如何,有资金流入就係王道,安踏(02020)再创新高,半日升3%。不过李宁(02331)重返9年高位后,半日倒跌1.1%。新股滔博(06110)则反弹2.9%,有条件展开升浪。资金对半新股热情退减,唔少半新股同挂牌无耐嘅新丁,半日见回吐,炒新股要转身快,稍有唔对路最紧要识落车。

麦狄文
(徐狄怡‧证监会持牌人)

上一篇: 下一篇: