主页 > F生活圈 >【盘房来料】大笨象业绩强差人意股价午后定倒跌 >

【盘房来料】大笨象业绩强差人意股价午后定倒跌

【盘房来料】大笨象业绩强差人意股价午后定倒跌放大图片

美股上周五做好,美国贸易代表处表示,中美首阶段协议内容接近搞掂,港股今早重上二万七水平,见个半月高位。恒指高开110点后,升幅曾略为收窄至95点,见半日低位26762点,其后升幅再次扩大,最多升338点,见过27005点半日高位。中午恒指报收26983点,升316点;国指则升103点,中午报收10569点。

今个星期将会係联储局议息,目前利率期货显示,减息机会高达九成,不过议息后嘅声明先係戏肉,过往几次鲍爷都係减完息后放鸽,呢吓不得不提防。睇番几只重磅股,至劲係友邦(01299),半日升逾4%,主要係上季新业务价值增值1%,差少少可以重上100日线,若能重上80元,友邦可以确认转势,走出区间移动範围。

市场焦点係今日派成绩表嘅大笨象(00005),集团公布第三季列胀基準除税前利润按年跌18.3%,但未有提及裁员计划,半日暂升0.7%。只不过份业绩显着倒退,睇怕下半场返嚟,股价一定要呕突落番去,留意60元呢个支持不容有失,再跌穿60元,大笨象走势又回复疲弱。

至于本地本主佬有回吐,新嘅楼按放宽安排只係二手楼受到刺激,过往一周多个私人住宅睇楼量上升,二手市场回暖,似乎都唔关发展商事,暂时点睇都唔觉佢哋有乜着数。反而持续嘅社会运动,确切地影响本港零售业,各大地主佬旗下嘅商场,肯唔肯减租共渡时艰都好,若然以营业额挂鈎嘅商场,旗下租金收入定必受损。本地地主佬上周急升过后,强势实难持续。

阿Man数嚟数去都係锺意物管股同埋医药股,无论贸易战发展如何,受影响较少,同时亦受经济周期影响有限,至怕係医药股有政策左右,但龙头医药股调整过后,始终可以重新上路,因为行业如何改革都好,最后赢家一定係龙头企业。而物管股则高处未算高,轻资产加上稳定现金流,係物管股嘅杀手锏,呢个板块值得逢回吐吸纳,呢样阿Man都讲咗N咁多次。

今日开始北水放闸可买W股,美团(03690)跟小米(01810)当然可受惠,不过要二选一,定必拣无蟹货嘅美团,至于小米点解咁运滞,今日阿Man喺信报嘅《金融街密语》有详细解读,高位买咗小米想见家乡,睇怕有北水亦帮你唔到。

麦狄文
(徐狄怡‧证监会持牌人)

上一篇: 下一篇: